DHEX DHEXAADIYAHA OO SHEEGAY IN LA DHISAYO DAWLAD LOO WADA DHAN YAHAY OO FEDERAL AH.

DEG DEG Ku: Tafatiraha Guud Warka Adeega Radiyaha IRIN (18 March, 2003) Warkan waxaa idiin soo bandhigaya Adeegga Raadiyaha ee IRIN ee Qarammada Middoobey, qaybteeda wararka aadaminimo. Balse wararkani mar walba kama tarjumayaan afkaarta Qarammada Midoobey. Fadlan soo xigta isha wararkani laga helay oo ah Adeegga Raadiyaha ee IRIN marka aad baahinaysaan qayb ka mid ah ama dhammaan wararkani. Adeegga Raadiyaha ee IRIN DHEX DHEXAADIYAHA OO SHEEGAY IN LA DHISAYO DAWLAD LOO WADA DHAN YAHAY OO FEDERAL AH. Mbagathi (Nairobi), 18th March, 2003 (IRIN) – Dhexdhexaadiyaha wada hadalka Soomaalida Bethwel Kiplagat ayaa maanta (Talaado) sheegay in shirku si degdeg ah u bilaabi dhhismaha Dawlad Federal ah oo KMG ah oo loo wada dhan yahay, laakiin waxaa uu codsaday qaabkii loo dhisi lahaa. "Hanaan ceynkee ah ayaanu u isticmaalaynaa dhisitaanka dawlad loo wada dhan yahay oo Soomaaliya ay yeelato?" ayuu yiri Kiplagat oo intaa sii raaciyey in hanaanku yahay mid muhiim ah, xaqiiqdiina qatar gelin kara wixii horumar ah ee ilaa iyo haatan la gaaray, hadii hanaankaasi mid qaldan uu noqdo. Mr Kiplagat waxa uu yiri "waxaan jeclahay in dhamaanteen si qoto dheer aan uga fikirno sidii looga fogaan lahaa inay dhacaan khaladaadkii hore u dhacay. Kiplagat waxa uu ka hadlayay kulan aan caadi ahayn oo shirweynuhu isugu yimid, kaasi oo uu ka danbeeyey kulan kale oo albaabada u xiran oo uu la yeeshay Gudiga Hogaamiyeyaasha, si kastaba ha ahaatee Kiplagat baaqii uu ujeediyey Hogaamiyeyaasha shirka ka maqan inay kusoo laabtaan talaadada ayaa u muuqda mid aan dhag loo dhigin. Kiplagat waxa uu shirweynaha u sheegay in hawsha gudiyada farsamada ee lixda ah lasoo gabagabeynayo maalinta isniinta, waxaana dhexdhexaadiyaashu ay qaadanayaan shan ilaa todobo maalmood si ay u dhameystiraan warbixinada, una xaliyaan wixii iska horimanaya, ayuu yiri, markaasi oo warbixinada gudiyada loo gudbin doono gudiga hogaamiyeyaasha iyo shirweynaha. Gudiyada farsamada ayaa waxa ay hawshooda bilaabeen bishii December iyagoo ka shaqenayay arrimaha salka u ah khilaafka ka taagan Soomaaliya, gudiyada waxaa ka mid ah kuwo ka shaqeynayay nidaamka Federalka, Hubka dhigista, Xuquuqda dhulka iyo xalinta khilaafaadka. Kiplagat waxa uu ka codsaday hogaamiyeyaasha kooxaha inay xushmeeyaan heshiiskii xabad joojinta ee ay saxiixeen bishii October, isagoo intaa raaciyey in wax kalsooni ah uusan lahaaneyn heshiiska nabada, hadii aysan tixgelin hogaamiyeyaashu balanqaadkooda. Kiplagat waxa uu sheegay in gudiga kormeerka xabad joojinta uu talaabo ka qaadi doono kuwa ku xadgudba heshiiska, isagoo ku dhawaaqay magacaabista General Joseph Musomba oo u dhashay dalka Kenya sarkaalkaasi oo noqonaya qabiirka gudiga la shaqeyn doona. Isagoo la hadlayay wakaalada wararka IRIN kadib shirkaasi, Gen Musomba waxa uu sheegay inuu rajeynayo in waaya aragnimadiisa diblomaasiyadeed iyo militeri ay ka caawin doonaan hawl wanaagsan inuu qabto, waxaana uu tilmaamay in taageerada Qaramada Midoobay loo baahanayo si loo xoojiyo xabadjoojinta. DHAMAAD