HORUMAR LAGA GAARAY SHIRKA ELDORET

HORUMAR LAGA GAARAY SHIRKA ELDORET Eldoret/ Nairobi, IRIN, November 26 Sadex qabiil oo ah kuwa waaweyn iyo qabaa’ilka yaryar ayaa gudbiyey Liisaska Magacyada dadkii uga qeybgali lahaa Xubnaha lixda gudi ee farsamo ee lagu wado in lagu dhiso wejiga labaad ee shirka dib u heshiisiinta Eldoret. Qabaa’ilka Hawiye, Dir, Digil-Mirifle iyo kuwa yaryar ayaa Liisaskoodii soo gudbiyey Isniitii, waxaana Warar ku dhaw dhaw Shirka ay u sheegeen IRIN in Qabiilka haray ee Daaroodka ay wada hadalo u socdaan. Lixda Gudi ayaa waxa ay kasoo talo bixin doonaan arrimo muhiim ah oo lagu soo qaaday shirka kuwaasi oo ay ka mid yihiin Dastuurka Hanaanka isu taga Dawliga ah ee Federalismka, Hub ka dhigista iyo arrimaha ku saabnsan dhulka iyo qodobo kale. Laakiin wejigan labadaa oo ay ahayd inuu mar hore bilawdo ayaa waxa hor taagnaa muran ku saabsanaa qaabka qeybsiga tirada ergooyinka, inkastoo todobaadkii lasoo dhaafay Gudiga Farsamada IGAD ay soo bandhigeen qaab loogu qeybsanayo ergooyinka hab qabiil si looga gudbo is marin waaga taagan. Mid ka mid ah dadka kormeeraya Qaabka shirku u socdo ayaa IRIN u sheegay in Jawiga Magaalada Eldoret uu ahaa mid rajo wanaagsan ay ka muuqato markii ugu horeysay muddo todobaadyo ah, waxaana uu intaa sii raaciyey inay jirto rajo ah in Gudiyada farsamo la dhisi doono ilaa dhamaadka todobaadkan, laakiin wararka kasoo baxaya soomaalida ayaa ah kuwo aad u muujinaya taxadar, taasi oo ay sheegayaan in waqti ay qaadan doonto magacaabista shaqsiyaadka gudiyada ka qeybgalaya. Mid kasta oo ka mid ah Afarta qabiil ee ugu waaweyn waxaa laga siiyey 30 xubnood gudiyada, halka qabaa’ilka laga tirada badan yahayna la siiyey 18. qabaa’il kasta ayaa laga doonayaa in xubnaha la siiyey lix ka mid ah uu siiyo qaar ka mid xubnaha qabaa’ilka oo matalaya Bulshada rayidka ah. DHAMAAD