KOOXDA QM EE BAAREYSA XADGUDUBKA CUNAQABATEYNTA HUBKA OO LOO KORDHIYEY WAQTIGA.

DEG DEG Ku: Tafatiraha Guud Warka Adeega Radiyaha IRIN (9 April, 2003) Warkan waxaa idiin soo bandhigaya Adeegga Raadiyaha ee IRIN ee Qarammada Middoobey, qaybteeda wararka aadaminimo. Balse wararkani mar walba kama tarjumayaan afkaarta Qarammada Midoobey. Fadlan soo xigta isha wararkani laga helay oo ah Adeegga Raadiyaha ee IRIN marka aad baahinaysaan qayb ka mid ah ama dhammaan wararkani. Adeegga Raadiyaha ee IRIN KOOXDA QM EE BAAREYSA XADGUDUBKA CUNAQABATEYNTA HUBKA OO LOO KORDHIYEY WAQTIGA. NAIROBI, 9 April (IRIN) – Golaha Amaanka ee Qaramada Midoobay ayaa amray in waqtiga loogu daro lix bilood oo dheeraad ah Kooxda Khubarada ah ee QM u qaabilsan baaritaanka ku xadgudubka cunaqabatanyta hubka ee Soomaaliya. Xoghayaha Guud ee Qaramada Midoobay Kofi Annan ayaa magacaabay bishii September sadexda xubnood ee kooxdaasi. Qaramada midoobay waxa ay cunaqabteynta hubka kusoo rogtay Soomaaliya sanadkii 1992, kadib markii halkaasi uu ka qarxay dagaalka sokeeye. Sida ay sheegeeyso war saxaafadeed ay soo saartay QM, go’aanka golaha amaanka waxa uu ka danbeeyey warbixin ay kooxdaasi khubarada ah ay soo soo saareen bishii aynu kasoo gudubnay, warbixintaasi oo lagu sheegay in si is daba joog ah loogu xadgudbay cunaqabteynta Hubka Soomaaliya, waxaana ay usoo jeedisay in goluhu fariin cad uu u diro dhamaan kuwa ku xadgudba cunaqabteynta wixii haatan ka danbeeya oo ay la kulmi doonaan talaabo sharciga waafaqsan Goluhu Amaanka waxa uu sheegay in kooxdaasi loo sameeyey inay si gaar ah u cadeeyaan kuwa weli kusii xad gudbaya cunaqabateynta hubka dalka gudihiisa iyo dibedaba iyo weliba taageerayaashooda. Goluhu waxa uu u ogolaaday kooxda inay si cilmiyeysan uga soo talo bixiyaan dhinacyada kale la xiriira xadgudubka iyo talaabooyinka lagu sii xoojin karo cuna qabateynta. "Taasi oo ay ku jirto in la sahmiyo abuuritaanka qaab farsamo oo la xiriirta kormeerida cunaqabateynta oo lala kaashanayo dadka ku nool wadanka gudihiisa iyo dibediisa, iyo in xiriir soke lala yeesho urur goboleedyada iyo kuwa caalamiga ah, gaar ahaan midawga afrika” sida ay sheegtay warbixintu. Goluhu Amaanku waxa uu ugu baaqay dhamaan Soomaalida iyo qeybaha gobolka inay si buuxda ula shaqeeyaan kooxda khubarada si ay hawshooda ugu gutaan si wanaagsan, waxaana warbixintu ay ka dalbatay kooxda inay si dhaqso ah ula soo socodsiiyaan hadii lala shaqeyn waayo. DHAMAAD