GOLAHA AMAANKA OO SOO DHAWEEYEY WADA HADALKA NABADA SOOMAALIYA.

Golaha Amaanka ee QM ayaa ugu baaqay dadaalka ka socda gobolka in lagu gaarsiiyo deganaansho Guud xaalada Dalka Soomaaliya. Warbixin uu soo jeediyey Gudoomiyaha xilligan ee Golaha Amaanka, Ambassador Alfonso Valdivieso ee u dhashay Dalka Colombia,ayaa lagu muujiyey taageerada xoogan ee 15-ka xubnood ee golaha ay siinayaan dadaalka dib u heshiisiinta Soomaaliya ee ay wadaan Wamada Urur Goboleedka IGAD. Goluhu waxa si gaar ah uu u soo dhaweeyey baaqii xabad joojinta ee bishii October looga dhawaaqay shirka dib u heshiisiinta Soomaalida ee ka socda Magaalada Eldoret, waxaa sidoo kale uu soo dhaweeyey heshiiskii kooxuhu sida wada jirka ah u gaareen horaantii bishan, isagoo ku booriyey in dhamaan dhinacyada is haya ay colaada joojiyaan. Si kastaba ha ahaatee Golaha Amaanku waxa uu walaac ka muujiyey Xaalada dadka ku barakacay Dalka gudihiisa, waxaana uu ugu baaqay kooxaha hubeysan inay u ogolaadaan Shaqaalaha gargaarka sidii ay kaalmo degdeg ah u gaarsiin lahaayeen dadkan dhibaateysan. [DHAMAAD]